Plantun de Prouvènço

Pèr coumpara dos planto d'encò nostre

Lythrum salicaria & Brachypodium phoenicoides

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Grando-bauco

Brachypodium phoenicoides

Poaceae Graminaceae

Nom en français : Brachypode de Phénicie.

Descripcioun :
La grando-bauco èi forço coumuno. Fai de mato proun grosso e de tijo souto terro. Se recounèis à si espigueto torso e quàsi sènso arèsto. A de fueio redo e envertouiado emé de costo que se vèson proun. Coumpara emé la bauco-penado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Brachypodium
Famiho : Poaceae
Famiho classico : Graminaceae
Tribu : Triticeae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Tepiero seco - Camin
Estànci : Termoumediterran à Coulinen
Couroulougi : Pancaro entresigna
Ref. sc. : Brachypodium phoenicoides (L.) Roem. & Schult., 1817

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Lythrum salicaria & Brachypodium phoenicoides

CCC

Coumpara Tè-di-paure emé uno autro planto

Coumpara Grando-bauco emé uno autro planto